ឈ្នះ​យប់​មិញ Van Gaal ​ថា​ Man Utd ​អាច​លើក​ពាន Premier League បាន

Mon, 21/09/2015

លោក Louis Van Gaal ​ជឿជាក់​ថា​សមត្ថភាព​កូន​ក្រុម​របស់​ខ្លួន ជា​ពិសេស​ខ្សែ​ប្រយុទ្ធវ័យ​ក្មេង​ Anthony Martial ​នឹង​អាច​អភិវឌ្ឍន៍​ខ្លួន​បន្ថែម​ទៀត​ជួយ​ឱ្យ​បិសាច​ក្រហម​ Manchester United ​លើក​ពាន Premier League ​រដូវ​កាល​នេះ​បាន។

កីឡាករ​វ័យ​ក្មេង Anthony Martial ​បាន​បង្ហាញ​ទម្រង់​លេង​ដែល​អ្នក​គាំទ្រ​នឹក​ស្មាន​មិន​ដល់ ដោយ​អាច​រក​បាន​២​គ្រាប់​ជួយ​ Man Utd ​ឈ្នះ Southampton ​ក្នុង​លទ្ធផល ៣-២ ​កាល​ពី​យប់​មិញ​នេះ។ អ្នក​ចាំ​ទី David De Gea ​វិញ ក៏​បាន​បង្ហាញ​សមត្ថភាព​ល្អ​ពេញ​ចិត្ត​លោក Van Gaal ​ស្ដូក​ផង​ដែរ ព្រោះ​ថា​បាន​ជួយ​សង្គ្រោះ​គ្រាប់​បាល់​ជា​ច្រើន​គ្រាប់​ចេញ​ពី​ការ​ស៊ុត​ របស់​កីឡាករ​ក្រុម​ម្ចាស់​ផ្ទះ Southampton។  ដោយសារ​តែ​ឃើញ​កូន​ក្រុម​លេង​ស៊ី​ចង្វាក់​គ្នា​ និង​មាន​ទម្រង់​ប្រយុទ្ធ​ឡើង​វិញ បុរស​សញ្ជាតិ​ហុល្លង់​ដែល​ធ្លាប់​និយាយ​ថា​ចូល​និវត្តន៍​ជាមួយ Man Utd ​បាន​បញ្ចេញ​អារម្មណ៍​ថា៖“វា​ជា​លទ្ធផល​ល្អ​បំផុត​ហើយ​ខ្ញុំ​គិត​ថា​យើង​គួរ ​តែ​ចេញ​សេចក្ដី​ថ្លែងការណ៍​មួយ​ថា​យើង​នឹង​អាច​លើក​ពាន​រង្វាន់​បាន​ឆ្នាំ​ នេះ។ អ្វី​ដែល​ខ្ញុំ​តែងតែ​និយាយ​គ្រប់​ពេល​គឺ​យើង​ត្រូវ​ពង្រឹង​សមត្ថភាព។ ប៉ុន្តែ​ឆ្នាំ​មុន​យើង​ជិត​នឹង​ដល់​ចំណុច​កំពូល​ទៅ​ហើយ ចុះ​ទម្រាំ​ឆ្នាំ​នេះ…” ។Man Utd ​គិត​ត្រឹម​សប្ដាហ៍​ទី​៦​នេះ ឈរ​នៅ​ចំណាត់​ថ្នាក់​លេខ​២ ​ចាញ់​ពិន្ទុ​ក្រុម​លេខ​១​ Manchester City ​ចំនួន​២​ពិន្ទុ។ ចំណែក​ឯ​ខ្សែ​ប្រយុទ្ធ​វ័យ​១៩​ឆ្នាំ Martial ​វិញ ​នៅ Premier League ​ទើប​តែ​ចូល​លេង​បាន​២​ប្រកួត​ទេ តែ​រក​បាន​៣​គ្រាប់​ហើយ។ សមាជិក​ក្នុង​ក្រុម​បិសាច​ក្រហម​ទាំង​អស់ បាន​បញ្ជាក់​ថា​បុរស​​កូន​២​រូប​នេះ មិន​សូវ​ចេះ​មាត់​ទេ ប៉ុន្តែ​​លេង​បាល់​ដោយ​មាន​ទំនុក​ចិត្ត​បំផុត ៕ Reference:
http://news.sabay.com.kh/article/486684

Related news