Messi ទាត់​ប៉េណាល់ទី​អត់​ចូល​១ ​តែ​អាច​ជួយ​ Barca ឈ្នះ​ Levante

Mon, 21/09/2015

ខ្សែ​ប្រយុទ្ធ​ Lionel Messi ​​​​ស៊ុត​បាន​២​គ្រាប់ និង​ទាត់​បាល់​ពិន័យ​១១​ម៉ែត្រ​អត់​១​គ្រាប់ ​​ក្នុង​ការ​ប្រកួត​​ដែល​ Barcelona ឈ្នះ​ Levante ​៤-១ ​នៅ​ La Liga សប្ដាហ៍​ទី​៤​យប់​មិញ និង​ជួយ​ឲ្យ​ Barca បន្ត​កំណត់​ត្រា​ឈ្នះ​១០០% ​ឈរ​កំពូល​តារាង។

៤​គ្រាប់​របស់​ម្ចាស់​ផ្ទះ​ Barca ​គឺ​រក​បាន​ដោយ​​​ខ្សែ​ការពារ​ Marc Bartra ​នាទី​៥០, Neymar នាទី​៥៦, Messi នាទី​៦១​ (ពិន័យ​១១​ម៉ែត្រ) និង​៩០ ខណៈ​ដែល​កីឡាករ​ជម្រើស​ជាតិ​អាហ្សង់ទីន​រូប​នេះ ទាត់​បាល់​ប៉េណាល់ទី​គ្រាប់​ទី​២​នៅ​នាទី​៧៦​អត់​ចូល​ ដោយ​បាល់​ហោះ​រំលង​របារ​ទី។ រីឯ​១​​គ្រាប់​លួង​ចិត្ត​របស់​ក្រុម​ភ្ញៀវ​ Levante គឺ​​រក​​បាន​ដោយ​​ Victor Casadesus ​នាទី​៦៦។  សម្រាប់​ Messi នេះ​​ជា​ការ​ទាត់​​បាល់​ពិន័យ​១១ម៉ែត្រអត់​ចូល​​លើ​ក​ទី​៦ ក្នុង​ការ​​ទាត់​១២​លើក​​ចុង​ក្រោយ និង​ជា​ការ​ខក​​ខាន​លើក​ទី​១៥ ​ក្នុង​ការ​ទាត់​​បាល់​​ពិន័យ​១១​ម៉ែត្រ​​៦៥​ដង ក្នុង​អាជីព​ផង​ដែរ៕

Related news